हायकू

पैजण तुझे 

मज व्याकूळ करी

ये लवकरी...

बंध प्रेमाचे

जुडूनी आले रंग 

सहवासाचे.....

कायम हवा 

सहवास तुझा तो

हर्ष नवा तो....

माझं लेकरु

माझ्या जगण्याची वाट...

माझा अविरत चालणारा श्वास....

आणि श्वासातील स्पंदन आहेस तू...

माझ्या जगण्याला आयुष्याशी 

कोणतीच तक्रार नाहीय माझी....

कारण माझं जगण्याचं कारण आहेस तू....

स्वप्नमयी....✍🏻✍🏻

ओल्या सरी

तू यावं अन् चिंब होऊन जावं

ओल्या सरित भिजताना 

जशी अविरत झुलते ती वेल

पाण्यावर तरंगताना

स्पर्श व्हावा तिचा अन्

भान हरपावं माझं.....

तिच्या मिठीत शिरताना.....

मंत्रमुग्ध व्हावं तू

ओल्या सरीत भिजताना....

✍🏻✍🏻 स्वप्नमयी....

पांडुरंग ( अभंग )

उभा विटेवरी 

माझा पांडुरंग हरी

टाळ मृदुंग करी

पैजनांचा नाद...

कर उभे कटेवरी 

दुमदुमली ही पंढरी

भक्त भजनात दंगली

तुझ्या पांडुरंगा....

हरी कीर्तनात 

सारे वैष्णव नाचती

मुखी नाव घेती 

तुझे पांडुरंगा....

सर्वांना आषाढी एकादशीच्या हार्दिक शुभेच्छा 💐💐

स्वप्नमयी.....✍🏻✍🏻

तिचे हक्क

अचानक कार accident मध्ये तिच्या नवऱ्याचा मृत्यू झाला. मुलं आणि ती एका क्षणात पोरके झाले बाहेरचं जग तिने कधीच पहिलं नव्हतं.पण मुलांसाठी तिला जगावच लागलं.नवरा गेल्यानंतर घरच्यांनी सुद्धा तिला साथ दिली नाही उलट ज्या इस्टेट वर तिचा हक्क होता तो ही त्यांनी तिच्यापासून हिरावून घेतला. शेवटी ती घरच्यांना त्रासून मुलांसाठी,आपल्या हक्कासाठी तिला कोर्टाच्या मार्ग स्वीकारावा लागला.  तिला कोर्टाची पायरी चढावी लागली. आणि कोर्टाने का होईना पण तिला तिचे अधिकार तिचे हक्क मिळालेच.

सांगायचं तात्पर्य एवढच आहे की बऱ्याच ठिकाणी अशा घटना घडतात. त्या महिला शांत बसून लाचारीचं जीवन जगतात.पण समाजाकडे लक्ष न देता आपल्या हक्कासाठी आपण लढलं पाहिजे. आपण प्रयत्न करायला हवे. हार मानायला नाही पाहिजे. शेवटी प्रयत्नांना च यश मिळते. 🙏🏻

स्वप्नमयी...✍🏻✍🏻

बलात्कार

आई वडिलांचा नादारीचा संसार, 17 ठिकाणी भोकं पडलेली न्हाणी आणि वयात आलेली ती. रोज तिला त्या भोकं पडलेल्या न्हाणीत अंघोळ करावी लागायची. आणि शेजारील गण्या तिला चोरून बघायचा. आज नेमकं काय झालं की तिला शाळेला सुट्टी होती आणि तिचे आई वडील लवकरच शेतात गेले होते.पेरणीचे दिवस शेजारी पाजारी सुद्धा शेतात गेले होते. घरातील सर्व कामे आईने तिच्यावर सोपवली होती. कामे आटपून ती अंघोळीला गेली. आणि गण्याने सूना डाव साधला आणि तिला तिच्याच घरात नेऊन त्या निष्पाप जीवाशी तो खेळला.तिच्या शरीराचे लचके तोडले.तिच्यावर बलात्कार केला. आणि त्या मुलीचं आयुष्य उद्ध्वस्त केलं. फक्त क्षणभराच्या सुखासाठी.

स्वप्नमयी....✍🏻✍🏻

अंतर

अंतर तुझ्या माझ्यातले

संपेल का कधी

प्रेम माझ्या मनातले

तुला कळेल का कधी....

स्वप्नमयी....✍🏻✍🏻

खूप अंतर होते आपल्यात

लग्नानंतर जुळून आले 

ते नवे ऋणानुबंध

देवा ब्राम्हणाच्या साक्षीने 

आयुष्यात दरवळला आपल्या 

प्राजक्ताचा सुगंध.....

स्वप्नमयी....✍🏻✍🏻

अंतर होते आपल्यात

ते एका क्षणात मी दूर केले

पण अंतर होते कशामुळे

हेच कोडे न उलघडले....

स्वप्नमयी...✍🏻✍🏻✍🏻

आपल्या दोघांमध्ये सख्या 

कधीच अंतर येऊ देणार नाही...

जन्म भरासाठी बांधलेली गाठ सख्या 

मी कधीच सुटू देणार नाही....

स्वप्नमयी....✍🏻✍🏻

तू आलास आयुष्यात आणि 

आयुष्य सारे सप्तरंगानी भरून गेले

पण असे अचानक तुला काय झाले

आपल्यामध्ये द्वेषाचे अंतर हे आले....

स्वप्नमयी.....✍🏻✍🏻

अंतर हे आपल्यातले 

सखे सहन होत नाही

आठवण तुझी खूप येते

कुठेच मन लागत नाही....

स्वप्नमयी......✍🏻✍🏻

पेरलेलं दाणं

पेरलेल्या दाण्यानो काळ्या मातीतून रुजून या

परिस्थितीशी लढण्याची तयारी तुम्ही करून या

पाऊस येवो का ना येवो तुम्ही मात्र भिजून या

पेरलेल्या दाण्यानो काळ्या मातीतून रुजून या

बळीराजाचा जीव तुम्ही त्याच्यासाठी तरी जगून या

पेरलेल्या दाण्यानो काळ्या मातीतून रुजून या

शेतकऱ्यांची पोर मी गरिबीची मला जाण आहे

पेरलेल्या दाण्यानो शिवरायांची तुम्हा आन आहे.....

एक एक दाणा पेरत जाऊन खोलवर तुम्ही रुजून या

बळीराजाच्या काळजाची मात्र हाक तुम्ही ऐकून या

पेरलेल्या दाण्यानो काळ्या मातीतून तुम्ही रुजून या...

परिस्थितीशी लढण्याची तयारी तुम्ही करून या....

स्वप्नमयी.....✍🏻✍🏻