विसावलेल्या क्षणांना साथ
जणू स्वप्नांची मिळावी
आयुष्याच्या वळणावर साथ
समर्था फक्त तुझीच असावी
मोकळ्या होतील सर्व वाटा
दुभंगलेल्या आयुष्याच्या
या पामरावर कृपा समर्था
फक्त तुझीच असावी....
अश्यक्यालाही शक्य करुनी
दाखविले तू या लेकराला
विश्वास दृढ झाला मनाचा
आयुष्यभर तुझ्या चरणाशी
राहू दे या पामराला....
या उघड्या छपरावर सावली
समर्था फक्त तुझीच असावी
या चालून आलेल्या स्वप्नाला
साथ ही समर्था फक्त तूच द्यावी....
