फक्त तुझ्यामुळे

 

आज कविता करत आहे

मी ते फक्त तुझ्यामुळे

याआधी खूप भोळी होते रे मी
तेव्हा तर मला काहीच न कळे

नंतर मी शब्दाशब्दांची
जुळवणी करून कविता मी रचल्या
लाख प्रयत्न केले दुसऱ्या
गोष्टींवर लिहिण्याचे
पण त्या तुझ्यावरच सुचल्या

तुझ्या आठवणी शब्दात मांडत गेले
तुझं ते हास्य रूप मनात साठत गेले

माझ्या भावनांना कवितेच्या
रुपात व्यक्त मी केले
त्या भावना पण तुझ्याच होत्या
त्यांना शब्दाशब्दात गुंफत गेले

तू जिथे पण असशील तिथे
तू मझ्या कविता वाचशील
मी कविता तुझ्याकडून शिकले
आयुष्यभर मी तुझी ऋणी राहील

तुझ्या आठवणींचा संच भरून
ठेवलाय मी माझ्या मनात
त्यातूनच मी मन मोकळ करतेय
या कवितेच्या रुपात

तुझं ते गोंडस रूप मी
माझ्या डोळ्यात साठवतेय
जिथं जाते तिथं दुसर काहीच नाही
मी फक्त तुलाच आठवतेय

तुझ्या कवितेच्या ओळीनी
मनात काहूर माजलयं
तुझा शब्द न शब्द माझ्या
हृदयात सजलयं 

तू माझ्या आयुष्यात आलास
म्हणून मी कविता करायला शिकले
तू जिथे पण असशील तिथून
माझ्या कविता वाच 
तुझ्याच शब्दांनी मी कवितेला लिहिले...

सर्वांचा विश्वास आहेस तू
माझ्यासाठी गोंडस आहेस तू
सर्वांसाठी एक बेधुंद पाखरू आहेस तू
कायम सर्वांसाठी असच रहा
तू जिथं पण असशील तिथं सुखी राहा
हीच सदिच्छा
तुला कविता दिवसाच्या खूप
खूप खूप साऱ्या शुभेच्छा