माझी लेखणी

आज उतरावं तू लेखणीत माझ्या

अन् सामावून जावं मनअंतरी माझ्या

कोरावं मी तुला या कोऱ्या कागदावर

अन् तू बघत राहावं डोळ्यात माझ्या

आज बेधुंद व्हावं लेखणीने ही माझ्या

अन् उधळून टाकावं स्वतःला हृदयी माझ्या

लिहावं मी तुला त्या पिंपळाच्या पानावर

अन् तू न्याहाळत राहावं स्पंदनांना  माझ्या

आज बेभान व्हावं लेखणीने ही माझ्या

अन् बरसून टाकावं स्वतःला काळजावर माझ्या

मांडावं मी तुला या फुलांच्या पाकळीवर

अन् तू निरखून पाहावं गुलाबी ओठांना माझ्या

आज वाहून जावं लेखणीने ही माझ्या

अन् आभाळासारखं दाटून यावं मनात माझ्या

सावरावं मी तुला या माझ्या तळ हातावर

अन् तू निभवावं  ते नातं आपलं आयुष्यावर माझ्या

शब्द मी गीत तू

लेखणीतून उतरलेले 

शब्द होऊन येईल मी 

सप्तसुरांनी भरलेलं 

गीत तू होऊन येशील का

अंतकरणातून आलेले

शब्द होऊन येईल मी

तू कोकीळेने गायलेले 

गीत होऊन येशील का

कवितेच्या ओळीतील

शब्द होऊन येईल मी

तू मी लिहिलेल्या गीतातील

बोल होऊन येशील का

तूझ्या मुखातून आलेले 

शब्द होऊन येईल मी

तू माझ्या मुखातून आलेले 

गीत होऊन येशील का

motivational poem... पंख

ओढेल पाय मागे कुणी
असेल एकटा जरी मी
छाटले जरी पंख कुणी
देईल झुंज त्यास मी....

हिणवले जरी विचार माझे
बळ त्यास देईल मी
लाख विरोधक असले जरी माझे
लढण्याची ताकद ठेवील मी

जरी टाकले वाळीत मला
तरी समतेचा लढा देईल मी
जरी केले धर्मबाह्य मला
तरी बंधुत्वाचा मार्ग दावेल मी

साथ असावी बुद्धांची

साथ बुद्धांची

आयुष्यभर मिळावी

कृपा असावी

विचार त्यांचे

जन समुदाय ते

धर्म रक्षिते

गौतम बौद्ध

होते विचारवंत

केले ते सिद्ध

गुरू आमचे

सिद्धार्थ नाव त्यांचे

कोटी प्रणाम

साथ तुझी हवी मला

🌸🌸🌸🌸🌸🌸🌸🌸🌸🌸🌸

🌸🌸🌸🌸🌸🌸🌸🌸🌸🌸🌸

साथ तुझी हवी मला

शेवटच्या श्वासापर्यंत

सांगड घालू जीवनाला

दोघांच्या स्पंदनांपर्यंत...

साथ तुझी हवी मला

या जीवनाच्या वाटेवर

हात तुझा हातात घेईल

आशेच्या हिंदोळ्यावर

साथ तुझी मला हवी 

आयुष्यभरासाठी

घेईल मी श्वास 

फक्त तुझ्यासाठी 

🌸🌸🌸🌸🌸🌸🌸🌸🌸🌸🌸

🌸🌸🌸🌸🌸🌸🌸🌸🌸🌸🌸

साथ तू देशील ना

या आयुष्याच्या वाटेवर 

कधी पडलोच मी एकटा

तर तू साथ मला देशील ना

कधी रूतलाच माझ्या पायी काटा

तर तुझ्या मऊ हातानी काटा माझा 

तू काढशील ना

डगमगलोच मी कधी जीवनात

तर मला सावरण्यासाठी 

हात तुझा मला देशील ना

आयुष्यभर सहवास तुझा हवा आहे

त्यासाठी साथ तू मला देशील ना...

कधी कधी चालावं तू माझ्यासोबत

हळुवार वाहणाऱ्या पाण्यासारखं 

निरव शांततेत झोपलेल्या पक्ष्यासारख 

असच ठेवेल मी तुला आयुष्यभर अलगद

नाही देणार ते दुःख पायी मोडलेल्या काट्यासारखं 

इच्छा आहे माझी तू अगदी शेवटच्या श्वासापर्यंत अशीच साथ मला द्यावी.....

जपेल तुला मी असच नवजात जन्मलेल्या पिल्लासारखं....

स्वप्ने ही चालून यावी

उगवत्या पहाटे पडावी सूर्याची किरणे 

तशी चालून आली दरात माझ्या 

रंगवलेली माझी आयुष्याची स्वप्ने

नवी दिशा नवी आशा 

जाऊ उंच उंच गगने

उगवत्या पहाटे पडावी सूर्याची किरणे

ते सुवर्ण क्षण चालून यावे अंगणी माझ्या

निरखून पाहावं त्या क्षणानी ही स्वप्नांना माझ्या